ချစ်သူကိုယ်တိုင် မရေးတဲ့ဇာတ်လမ်းထဲ
ကျွန်တော့်ကိုယ်ကျွန်တော် နည်းနည်းနဲ့ ကျဲကျဲပဲ လင်းခဲ့တယ်………

ချစ်သူက ဖြူစင်လွန်းလို့ ကိုယ့်ကိုကိုယ်ပဲ ပြန်ဆေးခြယ်လိုက်တယ်
ဒီလိုနဲ့ပဲ ချစ်သူရဲ့ ဟေမာန်ဥတုထဲမှာ ကျွန်တော်ဟာ လူလုံးမကွဲဘူး…..

ကျွန်တော်ကတော့ ချစ်သူ့အကြောင်း ညတိုင်းတွေးတယ်
ချစ်သူရဲ့ အတွေးထဲမှာတော့ ကျွန်တော့် တစ်ကိုယ်စာ နေရာလေးအတွက်
ဒူးဖက်ပြီး တောင်းပန်ရမလိုပါပဲ……..

ရုပ်သက်သက်ပဲရှိတဲ့ ချစ်သူရဲ့ အကိုင်းအခက်အချို့ကို
ကျွန်တော်တွဲလွဲ ခိုစီးတော့ ဂစ်တာလေးက ငိုချင်းချတယ်
ဒါကြောင့် ညညတွေဆို သံစဉ်တွေပြိုဆင်းကျတယ်……

ညက ချစ်သူကို အိမ်မက်မက်တယ်
ချစ်သူနဲ့ ကျွန်တော် ကြယ်တွေရဲ့ သံစဉ်နဲ့ လမျက်နှာပြင်ပေါ်တက်ပြီး
ပြိုးပြိုးပျက်ပျက် နှစ်ယောက်အတူ လင်းလက်ခဲ့တယ်
ပျော်လားလို့ ကျွန်တော်ကမေးတော့ ချစ်သူကပြုံးပြပြီး
ကျွန်တော့်နားကို စကားတိုးတိုး ကပ်ပြောတယ်
ဒါပေမယ့် ကျွန်တော် ဘာမှမကြားခဲ့ရဘူး……..

ဒီလိုပါပဲ ထင်မှတ်မထားတာတွေ ဖြစ်တတ်လွန်းတော့
ကိုယ့်ကြမ္မာ ကိုယ်ပြန်မှင်တက်မိတဲ့အခါ ကျွန်တော်ဟာ ကျွန်တော်မဟုတ်သလိုပါပဲ…..

ချစ်သူကိုချစ်လွန်းလို့ ကျွန်တော့်ကိုယ် ကျွန်တော် နာကျင်စေမိပြန်တယ်
ဒါကြောင့် စိတ်ရူးစိတ်နှမ်းနဲ့ အတွေးတွေကိုထမ်းပြီး
အခန်းလွတ်တစ်ခုထဲမှာ ကျွန်တော်လွမ်းနေရတယ်………

ညညဆို ချစ်သူအကြောင်းကို ကလောင်တစ်ချောင်းနဲ့ ထုစစ်တော့
inspiration တွေကသွေးချင်းချင်းကျပြီး ကဗျာတစ်ပုဒ်ရပေါ့……..

ဒီနေ့တော့ ချစ်သူရဲ့ဗလာ ရယ်သံကြားမှာ ဦးနှောက်က ခပ်ဝါးဝါးပဲရှင်ပြီး
ကျွန်တော့်စိတ်ကို ကျွန်တော် သွားကြားပြန်ညှပ်နေလိုက်တယ်
တစ်ကယ်ကို ခိုးလိုးခုလုပါပဲ………

ချစ်သူထွေးထုတ်လိုက်တဲ့ အတွေးညစ်ညစ်တွေထဲမှာ
ကျွန်တော့်ဘဝဟာ မှင်မပါပဲ အခြစ်ခံခဲ့ရတယ်
တစ်ကယ့်ကိုဗလာနတ္တိ………

ဒီနေ့တော့ ချစ်သူငိုနေတယ် ကြိုတင်အကြောင်းမကြားပဲ
မျှော်လင့်ခြင်းတွေ ခရီးထွက်သွားလို့တဲ့
တိတ်ပါတော့ကလေးရယ် ဆိုပြီး ကျွန်တော့်ကိုယ် ကျွန်တော်ပြန်ချော့တယ်
ဒါကြောင့် ချစ်သူငိုရင် ကျွန်တော့်မိုးတိမ်တွေပါ ပြိုတယ်………

ညကချစ်သူက ပုံပြင်တစ်ပုဒ်ပြောပြတော့ ကျွန်တော့်ဝမ်းသာမှု့တွေ စောတယ် အဲဒီညမှာ
ချစ်သူက အပြောအဟောကောင်းလို့ အဲဒီည စိတ်နဲ့ကိုယ်အကြောင်းအပေါင်း နည်းနည်းသင့်တယ်…….

ချစ်သူက တေးသွားတစ်ပုဒ်မှာ နှစ်ချိုက်တော့ ကျွန်တော့်မှာ ဘာတူရိယာမှမရှိလို့
လက်ခုပ်နဲ့ပဲ စည်းဝါးလိုက်ပေးခဲ့ရတယ်
ဘယ်သူကမှ ဂရမ်မီ ဆုမပေးသလို ကျွန်တော်တို့ကလည်း ခုနှစ်သံချီနဲ့ မဟစ်ကြွေးဘူး…….

ချစ်သူကို ကျွန်တော်ချစ်လွန်းလို့ သံစဉ်ညှိရင်း ကြိုးတွေတင်းခဲ့မိတယ်
ဒါကြောင့် ချစ်သူနဲ့ ကျွန်တော့်ကြား တေးသွားတွေမာကြောခဲ့ရတယ်…….

တကယ်တော့ ကျွန်တော်ဟာ ကြယ်တစ်ကောင်ရဲ့အလင်းနဲ့ အမှောင်မှာလမ်းလျှောက်ခြင်း သီအိုရီကိုလေ့လာဖို့
သင်ပုန်းကြီးမကြေတဲ့ ကလေးငယ်တစ်ယောက်ရဲ့ မှတ်စုစာအုပ် သက်သက်ပါပဲ………….

ဒီလို့နဲ့ပေါ့ အချိန်သုံးပါးထဲမှာ ချစ်သူနဲ့ကျွန်တော် ချစ်သူတွေမဖြစ်ကြဘူး
အဲဒါကြောင့် နေ့ရက်တိုင်းမှာ ချစ်သူကိုချစ်တဲ့စိတ်နဲ့   အိပ်နေလိုက်တော့တယ်…….


ဟိုးအရင် ဆင်တဲ ဆိုဒ်မှာတင်ခဲ့ဖူးတဲ့ ကဗျာလေးပါ။ ကိုယ်တိုင်လည်းနှစ်သက်သလိုရှိတာနဲ့ ဒီဆိုဒ်မှာလည်း စာမရေးဖြစ်တာကြာနေတော့ အမှတ်တရပြန်တင်ဖြစ်သွားပါတယ်။