Pages

Subscribe:

ကြယ်ရောင်မှတ်စုဆိုတာ??

တမ်းတမိတဲ့ ကြယ်လေးရဲ့ အလင်းရောင်နဲ့ ခံစားမိသမျှ အရာအားလုံးပါပဲ....

Saturday, February 19, 2011

လူ = ရေ

ဘာလိုလိုနဲ့ပေါ့ ဒီမှာနေတာ ၄နှစ်ပြည့်တော့မယ် ။ ဆိုတော့ကာ ဟိုနေ့ကပဲ ဆက်ပြီးနေထိုင်ဖို့အတွက် company နဲ့ပြောဆိုဆွေးနွေးပြီးတဲ့ သကာလ စာအုပ်ဝယ်ဖို့လုပ်ရပါတော့တယ် ။ ဘာစာအုပ်လဲလို့ မမေးပါနဲ့ဦး ။ နောက်တော့ပြောပါ့မယ် ။ ဒီလိုပါ အဲဒီစာအုပ်ကလေးက မရှိမဖြစ်ဆိုပါတော့။ သူက တော်တော်လေးအရာရောက်ပါတယ် ။ သူ့ကိုဝယ်ဖို့ တော်တော်လေးလည်း အလုပ်ရှုပ်ရပါတယ် ။ စိတ်လည်းရှည်ရပါတယ် ။ ဈေးလည်းတော်တော်လေးကို ကြီးပါတယ် ။ တစ်ခါဝယ်ဖို့အရေး တန်းစီရတာကို တော်တော်ကြာပါတယ် ။ လူတွေများလွန်းလို့ စီထားတဲ့ လူတန်းကြီးဟာ စာအုပ်ရောင်းတဲ့ ဆိုင်အပြင်ကိုတောင် ရောက်ပြီး ကွေ့ကာဝိုက်ကာနဲ့ကို သွယ်တန်းနေပါတော့တယ် ။ ဘာပဲဖြစ်ဖြစ် လူတွေက အဲဒီစာအုပ်ကလေးရဲ့ တန်ဖိုးကျသင့်ငွေလေးတွေကို [ ငွေလေးလို့ပြောတာမကျေနပ်ရင် ငွေကြီးလို့ပြောင်းဖတ်လို့ရပါကြောင်း :) ] ဆုတ်ကိုင်ထားကာ မရှည်တဲ့စိတ်ကို ဆွဲဆန့်ပြီး ရှည်အောင်ကိုစောင့်နေကြပေါ့ ။ အဲဒီလူတန်းကြီးမှာ အနှီမောင်ဖိုးကြယ်လည်း အပါအဝင်ပါ ။ ဒီလိုနဲ့ တစ်ရွေ့ရွေ့နဲ့ ချီတက်လာလိုက်တာ မောင်ဖိုးကြယ်ရှေ့မှာ နှစ်ယောက်ပဲလိုတော့တယ်ခင်ဗျ ။ နဲနဲလည်းဝမ်းသာစပြုနေပါပြီ ။ အဲဒီအချိန်မှာပဲ မောင်ဖိုးကြယ် ဘွားခနဲ မြင်လိုက်တာတစ်ခုကြောင့် ရီရမလို ငိုရမလိုတောင်ဖြစ်သွားရပါတယ် ။ သေသေခြာခြာထပ်ကြည့်ပါတယ် ။ မှားနေမှာစိုးလို့ပါ ။ ဟုတ်ကဲ့ မမှားပါဘူး သေသေခြာခြာ ကိုမှန်ပါတယ် ။ အဲဒါနဲ့ blog မှာစာလာဖတ်တဲ့  ထောင် သောင်း သိန်း သန်း သောပရိသတ်ကြီးအား :) မျှဝေလိုဇောနဲ့ ဓာတ်ပုံရိုက်ယူလာခဲ့ပါတယ် ။ ရိုက်ထားတာက ကွယ်ကာဝှက်ကာ ဆိုင်ရှင်တွေမမြင်အောင် ရိုက်ခဲ့ရတာဆိုတော့ နဲနဲ ဝါးတားတား ဖြစ်နေပါတယ် ။ ဒါပေမယ့် အရှင်းကြီးပါ ။ မြင်သူတိုင်း နှစ်ခါကြည့်စရာမလိုပါဘူး :) ။
              
နောက်တော့ မောင်ဖိုးကြယ် အလှည့်ရောက်လို့ လက်ထဲက ကိုင်ထားတဲ့ ပိုက်ဆံကို မပေးချင်ပေးချင်နဲ့ ပေးပြီး အဲဒီစာအုပ်အနီရောင်လေးကို ယူလာခဲ့ပါတယ် ။ နောက်ဆုံးတော့ ရခဲ့ပါပြီ ။ ဒါပေမယ့် မြင်ခဲ့ရတဲ့ မြင်ကွင်းကြောင့် မအီမလည်ကြီးတော့ ဖြစ်သား :) ကြည့်ကြပါကုန် ပရိတ်သတ် :) ။ 


 
အနှစ်ချုပ်ဆိုရသော်....လူသည်ရေနှင့်တူ၏ ၊ ရေသည်ငွေနှင့်တူ၏ ဆိုသော် ကန်သည် မည်သည့်အရာနှင့်တူပါသနည်း :))) ။

Saturday, February 12, 2011

ဝဲများကင်းစေသတည်း.......

        ဒီနေ့လေးပေါ့ ခင်မင်ရတဲ့ blogger တစ်ယောက်နဲ့ online မှာတွေ့တော့ သူက ဝဲစွဲနေလား ဖိုးကြယ်တဲ့ ။ အဲဒီကြမှပဲ အနှီမောင်ဖိုးကြယ်လည်း ဝဲစွဲမစွဲ စစ်မိတော့တယ်။ သိပ်တော့မများပါဘူး တစ်ခုထဲပါ :) ။ ညီအစ်ကို မောင်နှမတွေရဲ့ link တွေတော့ ခဏဖြုတ်ထားလိုက်ရတယ်။ ထပ်စစ်ကြည့်တော့ ရှိနေသေးတယ်။ template မှာ ချိတ်ထားတဲ့ recent comment မှာသွားတွေတယ်။ အဲဒါနဲ့ ထပ်ဖြုတ်လိုက်တော့မှ လားလား ရသွားတော့တယ် ။ ဘာပဲဖြစ်ဖြစ် ဝဲကတော့ ရှင်းသွားပါပြီ :) ။ သတိပေးပြီး ကူညီပြောပြပေးတဲ့ blogger မြတ်မွန် ကိုလည်း ကျေးဇူးတင်ပါ၏ ။ နောက်ကြုံရင် ဘာစားချင်လည်းပြောပါ ။ တကယ်ဝယ်မကြွေးရတဲ့အတွက် စိတ်ကြိုက်သာပြောပါ အားမနာပါနဲ့ :) ။ 
   
       စွဲနေတဲ့ ဝဲအတွက်တော ဒီမှာ သွားပြီး ဖတ်လိုက်ပါ။ လွယ်ပါတယ် ။ မခက်ပါဘူး ။ ကျွန်တော်ကိုတော့ သူများပြောပြလို့သိတာပါ :) ။

blogger အပေါင်း ဝဲကင်းစေကြောင်းပါ :) ။

Friday, February 4, 2011

အလင်းနှစ်နှင့်အတူပျံသန်း

စိတ်ကိုလွင့်နေအောင်ပင့်တင်ထားရင်း
ဒုတိယံပိဝင်သက်ထွက်သက်မှာ
ကိုယ်တိုင်ဖောက်ခဲ့တဲ့လမ်းကလေး
ငါလည်ပြန်ငေးရင်ဖေးမမယ့်ငါ့အတွေး
စက္ကူလှေလေးတွေလည်းတစ်လူလူလွင့်နေတယ် ။
ရှေ့ဆက်လျှောက်ရင်ပွင့်မယ့်ရောင်နီချို မြမြ
စိတ်ကူးအချီအချမှာသက်ဝင်လှုပ်ရှားနေတဲ့
ငါ့ခြေလှမ်းတွေဆိုတာ
ရက်လနှစ်တွေရဲ့မပျက်တဲ့ဆက်ထုံးတွေပေါ့ကွာ ။
ယုံကြည်ချက်တွေသာအတောင်ပေါက်ရင်
သန်းခေါင်ယံတွေအောက်လည်း
ငါ့ကမ္ဘာဒုတ်ဒုတ်ထိအလင်းပေါက်နိုင်ရဲ့
နောက်ဆုံးတော့ငါမရောက်နိုင်သေးတဲ့ငါ့အနာဂါတ်အတွက်
အတောက်ပဆုံးလင်းပြီးနှင်းတွေနဲ့အတူပျံသန်း
ဟောဟိုကမ္ဘာသစ်ပြတင်းတံခါးဆီ
အလင်းဘယ်နှစ်သန်းဝေးဝေးပေါ့....... ။


Recent Comments